راجن پور: بینک میں جمع کرایا گیا 15 تولے سونا 'نقلی' نکلا............

 راجن پور: بینک میں جمع کرایا گیا 15 تولے سونا 'نقلی' نکلا!

بینک سے قرضہ تو ختم ہوگیا، لیکن جمع پونجی بھی لٹ گئی! 💸💔

راجن پور کے رہائشی حمزہ نور کے ساتھ پیش آنے والے اس ہوش ربا واقعے نے پورے شہر میں کھلبلی مچا دی ہے۔ سونا جمع کرانے والے شہری اب اپنے زیورات کی حفاظت کے حوالے سے شدید پریشان!

واقعے کی مکمل تفصیلات:

📍 شہری حمزہ نور نے گزشتہ سال دسمبر میں 16 لاکھ 50 ہزار روپے قرض حاصل کرنے کے لیے اپنا 15 تولے سونا بطور ضمانت 'اپنا مائیکرو فنانس بینک' میں جمع کرایا تھا۔ 📝
📍 آج جب شہری نے 20 لاکھ 700 روپے (سود سمیت) ادا کر کے اپنا سونا واپس لیا، تو زیورات دیکھ کر ماتھا ٹھنکا۔ سونا مشکوک لگنے پر فوری سنار سے چیک کروایا گیا تو پتہ چلا کہ تمام زیورات 'آرٹیفیشل' یعنی جعلی ہیں۔

📍 متاثرہ شہری نے فوری 15 پر کال کی جس پر پولیس موقع پر پہنچ گئی۔ پولیس نے ابتدائی طور پر بینک منیجر وحید اور عملے کو حراست میں لیا لیکن بعد میں انہیں رہا کر دیا گیا۔
📍 بینک انتظامیہ کا کہنا ہے کہ وہ اس واقعے سے لاعلم ہیں اور تحقیقات کر رہے ہیں۔
📍 حیرت انگیز طور پر اسی بینک کے خلاف 5 تولے سونے کے فراڈ کا ایک اور کیس پہلے ہی عدالت میں زیر سماعت ہے!

اب آگے کیا ہوگا؟
ایس ایچ او سٹی انعام بزدار کے مطابق بینک کیسز پولیس کے دائرہ اختیار سے باہر ہیں، اس لیے ابتدائی رپورٹ تیار کر کے کیس ایف آئی اے (FIA) کے سپرد کیا جا رہا ہے۔ اب ایف آئی اے ہی اس میگا فراڈ کی گہرائی تک پہنچے گی۔ 🕵️‍♂️📂

شہریوں کا مطالبہ ہے کہ اس سنگین دھوکہ دہی میں ملوث بینک عملے یا جو بھی ذمہ دار ہے اسے فوری بے نقاب کر کے قرار واقعی سزا دی جائے!

ڈسکلیمر (Disclaimer):
اس خبر/تحریر میں دی گئی معلومات عوامی ذرائع اور مقامی رپورٹس پر مبنی ہیں۔ "میرا پتوکی آفیشل"
(Mera Pattoki Official) کوشش کرتا ہے کہ حقائق درست انداز میں پیش کیے جائیں، تاہم کسی بھی معلومات کی مکمل صداقت یا اس کے نتیجے میں ہونے والے کسی بھی عمل کی ذمہ داری ادارے پر عائد نہیں ہوگی۔ قارئین سے گزارش ہے کہ حساس معاملات میں خود بھی تصدیق کر لیں۔

نوٹ: ادارے کا بلاگر کی ہر تحریر یا عوامی رائے سے متفق ہونا ضروری نہیں ہے۔