قصور: آشنا کے ساتھ مل کر شوہر کے مبینہ (ق.ت.ل )کا لرزہ خیز واقعہ، ملزمہ لاکھوں کی نقدی اور زیورات سمیٹ کر فرار
قصور: آشنا کے ساتھ مل کر شوہر کے مبینہ (ق.ت.ل )کا لرزہ خیز واقعہ، ملزمہ لاکھوں کی نقدی اور زیورات سمیٹ کر فرار
پنجاب کے ضلع قصور کے علاقے کھڈیاں خاص میں ایک انتہائی افسوسناک اور دل دہلا دینے والا واقعہ سامنے آیا ہے، جہاں ایک خاتون نے مبینہ طور پر اپنے آشنا کی خاطر اپنے ہی شوہر کی زندگی کا چراغ گل کر دیا۔ عید الاضحیٰ کے ایام میں پیش آنے والے اس اندوہناک واقعے نے پورے علاقے میں سنسنی پھیلا دی ہے۔
🔹 دوسری شادی اور گھریلو ناچاقی کا پس منظر
موصولہ تفصیلات کے مطابق، مقتول اکبر کی پہلی اہلیہ کا انتقال 6 سال قبل ہوا تھا، جس کے بعد انہوں نے امورِ خانہ داری کی دیکھ بھال اور بچوں کی پرورش کی خاطر سال 2025 میں سعدیہ نامی خاتون سے دوسری شادی کی۔ ملزمہ سعدیہ کی بھی یہ دوسری شادی تھی، تاہم شادی کے کچھ ہی عرصے بعد گھر میں میاں بیوی کے درمیان تلخیاں اور گھریلو ناچاقی بڑھنے لگی۔
نازیبا ریکارڈنگز اور ناجائز مراسم کا انکشاف
مقتول کے سوتیلے بچوں کے بیانات کے مطابق، گھر میں اکثر لڑائی جھگڑے معمول بن چکے تھے۔ شک پڑنے پر جب ملزمہ کا موبائل فون چیک کیا گیا تو اس میں قصور کے ہی رہائشی ایک مقامی ڈاکٹر کے ساتھ مبینہ روابط اور نازیبا آڈیو ریکارڈنگز سامنے آئیں۔
اس راز کے فاش ہونے پر ملزمہ کچھ عرصہ قبل گھر سے ناراض ہو کر چلی گئی تھی، تاہم مقتول اکبر نے گھر بسانے کی خاطر اسے سمجھا بجھا کر دوبارہ واپس لے آیا۔
عید کی چھٹیوں کا فائدہ اٹھا کر لرزہ خیز واردات
اہلِ خانہ نے پولیس کو بتایا کہ مقتول اکبر نے اپنی بیٹیوں کی شادی اور مستقبل کے لیے 20 لاکھ روپے نقد، طلائی زیورات اور دیگر قیمتی سامان جمع کر رکھا تھا۔ عید قربان کے دوسرے روز جب بچے اپنے ننیھال گئے ہوئے تھے اور گھر پر کوئی موجود نہیں تھا، تو ملزمہ نے موقع غنیمت جانا۔ مبینہ طور پر ملزمہ نے اپنے شوہر کے سر پر کسی وزنی چیز سے زوردار وار کیا، جو جان لیوا ثابت ہوا۔ شوہر کی موت واقع ہونے کے بعد ملزمہ گھر میں موجود تمام نقدی، زیورات اور قیمتی سامان سمیٹ کر راتوں رات رفو چکر ہو گئی۔
ملزمان تپ لید، پولیس کارروائی اور متاثرہ خاندان کا مطالبہ
واقعے کی اطلاع ملتے ہی مقامی پولیس نے لاش کو تحویل میں لے کر قانونی کارروائی کا آغاز کر دیا ہے۔ مقتول کے بچوں اور اہلخانہ کا کہنا ہے کہ واقعے کے بعد سے ملزمہ سعدیہ اور اس کا مبینہ آشنا دونوں روپوش ہیں اور پولیس تاحال انہیں گرفتار کرنے میں ناکام رہی ہے۔ شدید غم و غصے کا شکار لواحقین نے اعلیٰ حکام سے پرزور اپیل کی ہے کہ انصاف کے تقاضوں کو پورا کرنے اور ملزمان کی فوری گرفتاری کے لیے اس کیس کو اسپیشل انویسٹی گیشن سیل کے حوالے کیا جائے تاکہ انہیں انصاف مل سکے۔
Comments
Post a Comment