راولپنڈی مندرہ میں رشتہ داری کے تقدس کو تار تار کرنے والا ملزم گرفتار، 14 سالہ لڑکی سے (زی.ادت.ی) کا انکشاف..

 راولپنڈی: مندرہ میں رشتہ داری کے تقدس کو تار تار کرنے والا ملزم گرفتار، 14 سالہ لڑکی سے (زی.ادت.ی) کا انکشاف..

راولپنڈی کے نواحی علاقے مندرہ میں ایک ایسا لرزہ خیز واقعہ پیش آیا ہے جس نے انسانیت کو شرما کر رکھ دیا ہے۔ پولیس نے ایک کارروائی کے دوران 14 سالہ کمسن لڑکی کو مبینہ طور پر (زی.ادت.ی) کا نشانہ بنانے والے ملزم کو گرفتار کر لیا ہے۔ گرفتار ہونے والا شخص کوئی اجنبی نہیں بلکہ متاثرہ لڑکی کا قریبی رشتہ دار (پھوپھا) نکلا۔

متاثرہ لڑکی کے والد کی مدعیت میں درج مقدمے کے مطابق ملزم کافی عرصے سے ان کی بیٹی کو دھمکیاں دے کر (زی.ادت.ی) کا نشانہ بنا رہا تھا۔ ایف آئی آر کے اندراج کے فوری بعد پولیس حرکت میں آئی اور ملزم کو حراست میں لے کر تفتیش کا آغاز کر دیا۔ پولیس حکام کے مطابق متاثرہ لڑکی کا طبی معائنہ مکمل کروا لیا گیا ہے تاکہ ٹھوس طبی شواہد حاصل کیے جا سکیں۔

اس حوالے سے ایس پی صدر انعم شیر نے کہا ہے کہ اس گھناؤنے جرم میں ملوث ملزم کو کسی صورت رعایت نہیں دی جائے گی۔ انہوں نے بتایا کہ ملزم کے خلاف سائنسی اور فرانزک شواہد اکٹھے کیے جا رہے ہیں تاکہ عدالت سے اسے سخت سے سخت سزا دلوائی جا سکے۔ پولیس کا کہنا ہے کہ خواتین اور بچوں کا تحفظ اولین ترجیح ہے اور ایسے کیسز میں بروقت انصاف کی فراہمی کو یقینی بنایا جائے گا۔

یہ واقعہ رشتہ داری جیسے مقدس بندھنوں کے تحفظ اور معاشرتی ذمہ داری پر کئی سوالات اٹھا رہا ہے۔ شہریوں نے مطالبہ کیا ہے کہ ایسے مجرموں کو عبرتناک سزا دی جائے تاکہ معاشرے میں خوف اور ہراس کا یہ ماحول ختم ہو سکے۔